პოპულარული სახელები საქართველოში 2012

ჯერ კიდევ 2 წლის წინ დავწერე პოსტი: პოპულარული სახელები საქართველოში, რომელიც მგონი ყველაზე პოპულარულია ჩემს ბლოგზე. დღის განმავლობაში უამრავი ადამიანი გუგლავს და ეძებს სახელებს, ალბათ უფრო იმისთვის, რომ შეარჩიონ თუ რა დაარქვან თავიანთ მომავალ პატარებს :)

 

მოკლედ, გადავწყვიტე განმეახლებინა ეს პოსტი და მოვიძიე ახალი სტატისტიკა. 2012 წლის მონაცემებით:

 საქართველოში ახალბედა დედები გოგონებს ყველაზე ხშირად ნინოს და მარიამს არქმევენ, ხოლო ვაჟებს - გიორგის და ნიკოლოზს.

2012 სტატისტიკის მიხედვით ვაჟებს შორის პოპულარული სახელების ოცეული შემდეგია: 1. გიორგი; 2. ნიკოლოზი; 3. ლუკა; 4. ანდრია; 5. საბა; 6. დავითი; 7. ალექსანდრე; 8. მათე; 9. დიმიტრი;  10. გაბრიელი; 11. ირაკლი; 12. ილია; 13. ზურაბი; 14. დაჩი; 15. თეიმურაზი; 16. ცოტნე; 17. ლევანი; 18. ივანე; 19. ლაზარე; 20. თორნიკე.

გოგონების სახელებს შორის კი პოპულარულია:  1. ნინო; 2. მარიამი; 3. ბარბარე; 4. ანასტასია;  5. ანა; 6. ელენე; 7. ელიზავეტა; 8. ნია; 9. თამარი; 10. ნატალია; 11. თეკლე; 12. სალომე; 13. ქეთევანი; 14. ლია; 15. ანამარია; 16. თათია; 17. სოფია; 18. ნანა; 19. ეკატერინე; 20. თინათინი.

რაც შეეხება ყველა ასაკში სხვადასხვა დროს პოპულარულ სახელებს, მონაცემთა ერთიანი ბაზის თანახმად, საქართველოში მამაკაცის ყველაზე გავრცელებული სახელი გიორგია, მას მოსდევს, დავითი, ნიკოლოზი, ზურაბი, ალექსანდრე, ლევანი, თეიმურაზი, ირაკლი, მიხეილი, ლუკა, თამაზი, ავთანდილი, მამია, ნოდარი, გურამი, ლაშა, გოჩა, ზაზა, კახაბერი...

ქალბატონებს ყველაზე ხშირად არქმევენ ნინოს, მას მოსდევს მარიამი, თამარი, ნანა, ნათია, ანა, ლია, ქეთევანი, მაია, ელენე, თინათინი, ეკატერინე, სოფია, ნატალია, ხათუნა, ირინე, ელიზავეტა, სალომე, რუსუდანი, ქრისტინე....

გარდა ამისა, არსებობს იშვიათი სახელების ბაზაც:  მოქეიფე, თაგუნა, ფემისტოკლე, ფიზიკა, პელე, გარინჩა, კაცი, ქალი, ვებერთელა, მხედარი, კუსა, მამალი, თავადი, თადეუს, თანზილა, მამისავარ, მამილო, მამლუკი, მანილა, მგელა, ცაცია, ხუმარა, სამძიმარა, ვინარი, კუკუშა, ედემი, ფუჩქი, ნიუტონი, სევდაგულ, კეკლუცა, ნექტარი, ლამაზი, ვარგისო და სხვა :))

ცოტა რამ "მუცლის ცეკვის" შესახებ

Belly dance ეგრეთ წოდებული მუცლის ცეკვა X საუკუნეში ინდოეთის ბოშებმა შემოიტანეს ევროპაში და დღესდღეობითაც იგი ძალიან პოპულარულია მთელ მსოფლიოში.


დიდი ხანია ამ თემაზე მინდოდა დამეწერა, რადგან ძალიან მიზიდავს ეს ცეკვა, მისი ყურება და ზოგადად ცეკვის ეს სახეობა.
იყო დრო, როცა დიდი მონდომებით ვსწავლობდი თითოეულ ილეთს, მიხაროდა, როცა გამომდიოდა, ვუყურებდი სხვადასხვა დისკებს, ვვარჯიშობდი.... ეს იყო მოსკოვში.
სხვათა შორის ეს ცეკვა ასუსტებს :)) ანუ იგულისხმება სისტემატური ვარჯიში, თუნდაც დღეში ნახევარი საათი. უფრო ქალურს ხდის და ხვეწავს ტანს. ჯანმრთელობისთვისაც საკმაოდ სასარგებლოა. თვლიან, რომ ეს ცეკვა ხსნის დაღლილობას, ებრძვის უძილობას, სტრესებს, დეპრესიას, თავის ტკივილს...... აუმჯობესებს განწყობას და მატებს ენერგიას.
ქალები ამ ცეკვით გადმოსცემენ თავიანთ გრძნობებსა და ემოციებს. ადრე, აღმოსავლეთის ქალები, უპირველესად ცეკვავდნენ საკუთარი თავისთვის (და აუცილებლად მხოლოდ ქალების საზოგადოებაში).


მუცლის ცეკვა ხდიდა მათ უფრო ქალურს, თავისუფალს, ელასტიურს, ჰარმონიულს და სექსუალურს.
belly dance დიდ შთაბეჭდილებას ახდენს მნახველზე და ქალურობის, მომხიბვლელობის გამოხატულებად მიიჩნევა.

მუცლის ცეკვის სხვადასხვა სახეობები არსებობს. ზოგი გულისხმობს აქტიურად სხეულის ქვედა ნაწილის მოძრაობებს, ზოგი უმეტესწილად შედგება თავისა და ხელის მოძრაობებისაგან, ზოგში კი უმთავრესად გამოყენებულია ხელებისა და მკერდის მოძრაობები.

რაც შეეხება მუცლის ცეკვას საქართველოში.
აღიქმება ისე, როგორც მაგალითად სტრიპტიზი. ანუ ქართველი კაცები ჯიუტად ვერ ხედავენ ამ ცეკვაში ხელოვნებას. არ ვიცი ეს რამდენად სწორი მიდგომაა. მე პირადად ძალიან მიყვარს ეს ცეკვა, ალბათ ყველამ უყურეთ ელენე ჩიხლაძის (შეიძლება გვარი მეშლება) გამოსვლას ნიჭიერში. ცეკვას სანთლებით, ულამაზესად იცეკვა.... nichieri. Ge-ზე ვიპოვე და ბევრჯერ ვუყურე გადაბმულად :))

რატომ გვქვია გრუზი ა?

სიტყვა გრუზი ხომ ყველამ ვიცით რასაც ნიშნავს?
ხოდა რატომ გვეძახიან რუსები მაინცდმაინც გრუზიას? ანუ რატოა მათთვის საქართველო გრუზი ა?
შესაძლებელია ამ სიტყვას არც არაფერი ქონდეს საერთო ჩვენ გრუზიასთან, მაგრამ მაინც დასაფიქრებელია.
პოლიტიკაში ბევრი არაფერი გამეგება და ამ საკითხში კომპეტენტური ნამდვილად არ ვარ, თუმცა ბოლო დროს საკმაოდ ბევრს ვფიქრობ ამ თემაზე.
მოსკოვში 6 წელი ვცხოვრობდი, თანაც იმ ასაკში, როცა ადამიანი ყალიბდება.
ჩემდა სამარცხვინოდ ამ დროის მანძილზე არც ქართულ წიგნებს ვკითხულობდი, არც საქართველოს ისტორიით ვინტერესდებოდი, ქართულიც მავიწყდებოდა და ჩემი ფიქრებიც და სიზმრებიც რუსულ ენაზე იყო.
ახლა როცა საქართველოს ისტორიაც ასე თუ ისე ვიცი, 2008 წლის ომიც გამოვიარეთ, მაილში почему грузия და მინდოდა ჩამეწერა называется грузией და ამომიგდო почему грузины бомбили Россию?..
საინტერესოა რუსეთის რომელი ქალაქი დავბომბეთ? ან იქნებ ოსეთი ითვლება რუსეთად? გამეღიმა...... სასაცილოა ნამდვილად.
ხომ არიან რუსეთშიც ახალგაზრდები, რომლებიც ინფორმაციას იღებენ მხოლოდ ტელევიზიით, პრესის საშუალებით ან ინტერნეტით. რა აზრზე შეიძლება იყოს ადამიანი, რომელიც მხოლოდ ცუდს და საშინელებას კითხულობს ჩვენზე და ზოგადად საქართველოზე?
რასაკვირველია საღ გონებაზე მყოფი შეიძლება მიხვდეს და მივიდეს იმ აზრამდე, რომ ჩვენ პატარა ქვეყანას არ შეეძლო ამხელა რუსეთი დაებომბა, მაგრამ ეს მხოლოდ მაშინ, როცა ადამიანი ფიქრობს და სიმართლეს ეძებს. უფრო ხშირად კი იგი ძალიან იოლად ექცევა ზემოქმედების ქვეშ და იჯერებს იმას, რასაც აჯერებენ.
2003 წელს ვარდების რევოლუცია როცა მოხდა, იმდენად დამახინჯებული ინფორმაცია მიიწოდებოდა ხალხამდე, მეც კი მჯეროდა, რომ საქართველოსთვის ხდებოდა რაღაც საშინელება, რომ თავს ვიღუპავდით ქართველები შევარდნაძის გადაგდებით.
საკმაოდ კარგად ვიცი როგორი დამოკიდებულება აქვთ რუს ახალგაზრდებს საქართველოს და ქართველების მიმართ. ფიქრობენ და ამჟღავნებენ იმას, რაც ესმით ოჯახებში, ტელევიზიით...........
მაგრამ არის კიდევ სხვა საკითხი. რომელიც უნდა ითქვას და რომელიც არაფერ შუაშია პოლიტიკასთან. ეს ზოგადად ჩვენ ბუნებას ეხება.
იქაური ქართველები......
როგორ უნდა დავაძალოთ ჩვენ რუსებს პატივი გვცენ, როცა იქაური ქართველები ერთმანეთსაც კი არ/ვერ ენდობიან?
ბევრი შემთხვევა ვიცი... რაღა შორს წავიდე და თუნდაც მამაჩემი. თუ ის ოდესმე გაუქურდავთ/დაუყაჩაღებიათ/უღალატიათ/»გადაუგდიათ»/რამე წაურთმევიათ ყოველთვის ეს ყოფილა ქართველი, რომელსაც დაეხმარა და ენდო.

ყველაფერს მივედ–მოვედევი, მაგრამ დასკვნამდე მაინც ვერ მივედი.
ვინმემ იცით რატომ გვქვია გრუზია??

ვინ უფრო ჭკვიანია ქალი თუ კაცი?

დიდი ხანია ვინტერესდები ყველანაირი სტატისტიკური მონაცემებით თუ გამოთვლებით, სადაც არკვევენ ვინ უფრო ჭკვიანია კაცი თუ ქალი?..
სამწუხაროდ თუ საბედნიეროდ, მეცნიერები უმეტესად გვარწმუნებდნენ, რომ კაცები უფრო ჭკვიანები და განათლებულები არიან და მათი ინტელექტი უფრო მაღალია.
ერთადერთი, სადაც შედეგები ცოტა ჩვენთვის სასარგებლო იყო, ინტერნეტტესტირება გახდა, რომელსაც მეცნიერები რამდენიმე თვის განმავლობაში, მსოფლიოს ცხრა ენაზე ატარებდნენ. ორივე სქესის წარმომადგენლებს უსვამდნენ კითხვებს სხვადასხვა სფეროდან და ითვლიდნენ სწორ პასუხებს.
იყო კატეგორიები, რომლებშიც ქალები უფრო ერუდირებულები აღმოჩნდნენ, ვიდრე მამაკაცები და პირიქით.
სუსტი სქესის წარმომადგენლები ყველაზე ხშირად სწორ პასუხებს იძლეოდნენ კატეგორიებში, რომლებიც გართობას ეხებოდა. მამაკაცები კი უფრო ძლიერები "მეცნიერებისა და ბუნების" საკითხებში აღმოჩნდნენ. მაგალითად, ქალბატონები ყოველთვის სწორად პასუხობდნენ ასეთი ხასიათის შეკითხვებს: "პირველად რომელმა ფილმმა მოიტანა მილიარდ გირვანქა სტერლინგზე მეტი შემოსავალი?" მამაკაცები კი - "რომელი პლანეტა ანდომებს მზის ორბიტის შემოვლას 248 წელს".
რადგან გამოკითხვის შედეგების მიხედვით, ჯამში ქალებმა მამაკაცებზე მეტი სწორი პასუხი დააფიქსირეს, ყველაზე ჭკვიანებადაც ისინი აღიარეს ))

ვინ მოიგონა 8 მარტი და ყველაზე ცუდი საჩუქრები ამ დღეს

იდეა ქალთა სოლიდარობის საერთაშორისო დღის აღნიშვნისა თავდაპირველად მე-20 საუკუნის დასაწყისში დაიბადა.
1857 წლის 8 მარტს გაიმართა ნიუ-იორკის სამკერვალო ფაბრიკების მუშა-ქალთა გაფიცვა. მათი პროტესტის მიზეზი ძალზე მწირი ხელფასი და გაუსაძლისი სამუშაო პირობები იყო. ქუჩაში გამოსული გაფიცული ქალები პოლიციის მიერ დარბეული იქნა.
მომდევნო წლებში 8 მარტს უფრო მეტი და ფართომასშტაბიანი პროტესტები დაიწყო. 1908 წელს 15.000 ქალბატონი გამოვიდა ნიუ-იორკის ქუჩებში მოკლე სამუშაო დღის, უკეთესი ანაზღაურებისა და არჩევნებში ხმის მიცემის უფლების მოთხოვნით. 1910 წელს კოპენჰაგენში ჩატარდა პირველი ქალთა საერთაშორისო კონფერენცია სოციალისტ-ინტერნაციონალის მიერ. ამ ყრილობაზე დაფუძნდა ქალთა საერთაშორისო დღე გავლენიანი გერმანელი სოციალისტი კლარა ცეტკინის ინიციატივით. მომავალ წელს ამ დღეს ქალთა სოლიდარობის მიზნით მილიონზე მეტი ადამიანი გამოვიდა ავსტრიაში, დანიაში, გერმანიასა და შვეიცარიაში.
8 მარტი დღეს ოფიციალურ დღესასწაულად და უქმე დღედ რჩება ყოფილი საბჭოთა კავშირის ქვეყნებში, მათ შორის საქართველოშიც.

რაც შეეხება ცუდ საჩუქრებს, 2010 წლის თებერვალში რუსმა სოციოლოგებმა ჩაატარეს საინტერესო გამოკვლევა. რუსეთის 7 რეგიონში ქალებს ერთი და იგივე კითხვა დაუსვეს: "რა საჩუქრის მიღება არ გსურთ 8 მარტს?" გამოკითხული ქალების 33%-მა განაცხადა, რომ ყველაზე არასასურველი საჩუქარი მათთვის შინაური ცხოველია. 28%-ისთვის ყველაზე ცუდი საჩუქარი სპორტული ინვენტარია (არ ვეთანხმები:)) ანუ განტელები, ტრენაჟორები და ა. შ. ხოლო ცუდი საჩუქრების სიაში მე-3 ადგილზე მოხვდა რბილი სათამაშოები.
ასევე ამ სიაში მოხვდნენ სამზარეულოს ნივთები, ჭურჭელი (16%), თეთრეული (13%), შოკოლადები და კანფეტები.
რაც შეეხება სასურველ საჩუქრებს:
გამოკითხული ქალების უმრავლესობამ დაასახელა ყვავილები, ბიჟუტერია, კოსმეტიკა და პარფიუმერია.

რაც შემეხება მე, მეგობრებო, აბსოლუტურად არ ვეთანხმები გამოკითხული ქალების უმრავლესობას))
ყვავილებით ხელში სიარულზე არ ვგიჟდები, სამაგიეროდ სპორტული ინვენტარი ჩემთვის ფრიად გამოსადეგარი საჩუქარია:) ასევე ვგიჟდები ტკბილეულზე და არც ლამაზ ჭურჭელზე ვიტყოდი უარს))

ვინ არიან ციგნები?

ძალიან მინდოდა პოსტი ციგნებზე დამეწერა. ციგნებზე-თქო ვამბობ და ვიცი რაც წარმოიდგინეთ)) ბინძური, სუნიანი ბავშვები, რომლებიც მოწყალებას კი არ გთხოვენ, ფაქტიურად გაშანტაჟებენ. ან შეფურთხებით გემუქრებიან ან ჩახუტებით :))
დედაჩემისგან ხშირად გამიგია, რომ ბავშვობაში ძალიან უნდოდა ბოშა ყოფილიყო.



ბოშა, რომელიც ასოცირდება სილაღესთან, თავისუფლებასთან, მომთაბარე ცხოვრებასთან, მრავალფეროვნებასთან...... ცხენები, გიტარა, ბოშა ქალები ლამაზი, ჭრელი კაბებით, სიმღერები ცეცხლის ირგვლივ, ბოშური ცეკვები......





ცოტა რამ მათ შესახებ:
ბოშები - ერი (უფრი სწორად კი ეთნიკური ჯგუფები). საკუთარ თავს "რომა"-ს უწოდებენ. წარმოშობით ინდოეთიდან არიან და ცხოვრობენ ევროპის, აზიის, ამერიკის, აფრიკისა და ავსტრალიის მრავალ ქვეყანაში.
სხვადასხვა სტატისტიკური მონაცამებით ბოშათა რიცხვი მსოფლიოში 2, 5 - 12 მილიონ ადამიანამდე მერყეობს.
ბოშები საუბრობენ ბოშების ენაზე, რომელიც რამოდენიმე დიალექტად იყოფა და ასევე, იმ ერების ენაზეც, სადაც ცხოვრობენ.
ბოშების დროშა მიიღეს 1971წელს და ის ასე გამოიყურება:



ლურჯი და მწვანე ფერები აღნიშნავენ, შესაბამისად, ცასა და დედამიწას. ბორბალი კი დროშის ცენტრში ბოშების ინდოარიულ წარმოშობას აღნიშნავს.

პოპულარული სახელები საქართველოში

დღეს მინდოდა სახელებზე დამეწერა. არის საქართველოში ტენდენცია დაარქვან შვილებს ბებიების, ბაბუების ან სხვა ნათესავების სახელები. ნუ რომ ვთქვა, რომ კატასტროფულად ვეკიდები ამ საკითხს, მოგატყუებთ, მაგრამ არა იმიტომ, რომ ეს ტრადიცია მიყვარს ან მომწონს.
არ ვიცი შეგინიშნავთ თუ არა, მაგრამ სახელს ასეთი თვისება აქვს: თავს გაყვარებს ან გაძულებს. მარტივად რომ ვთქვათ, საყვარელი ადამინების სახელები გვიყვარდება და კარგ ასოციაციას იწვევს და პირიქით.
ძალიან მაინტერესებდა დღესდღეობით პოპულარული სახელები საქართველოში და სტატისტიკას იუსტიციის სამინისტროს საიტზე მივაკვლიე))
ე. ი. საქართველოს იუსტიციის სამინისტროს სამოქალაქო რეესტრის სააგენტოს მონაცემებით, ყველაზე პოპულარული სახელები გიორგი და მარიამია.
ვაჟებს შორის პოპულარული სახელების ათეული შემდეგია:
1. გიორგი; 2. ნიკოლოზი (ასევე ნიკა); 3. ლუკა; 4. საბა; 5. ალექსანდრე (ასევე სანდრო); 6. ირაკლი; 7. დავითი; 8. მათე; 9. ანდრია; 10. ლაშა.
გოგონების სახელებს შორის კი პოპულარულია:
1. მარიამი; 2. ანა (ასევე, ანანო, ანი); 3. ნინო; 4. ლიზი; 5. ელენე; 6. სალომე; 7. ანასტასია; 8. ბარბარე; 9. ლიკა; 10. ნია.
თუ ისეთი სახელი მოგწონთ, რომელიც ამ სიაში არაა არც ეგაა დიდი პრობლემა)) მთავარია ადამიანი გავზარდოთ კარგი, სახელს კი მგონი გადამწყვეტი მნიშვნელობა არ აქვს :-)

Наталья Водянова

არასოდეს მყოლია არც ფანი, არც კუმირი და ვერც ვერანაირად ვგებულობ ამ ცნებებს. მითუმეტეს, თუ საქმე ისეთ ადამინებს ეხება, რომლებსაც არ ვიცნობ: ნუ მომღერალს, მსახიობს და ა. შ.
მაგრამ არსებობენ ადამიანები, რომლებიც მომწონს. ერთ-ერთი მათგანია ცნობილი რუსი მოდელი ნატალია ვოდიანოვა (Наталья Водянова).

დაბადების თარიღი - 28თებერვალი 1982წელი
დაბადების ადგილი - რუსეთი ქ. გორკი
სიმაღლე - 174სმ
მკერდი - 85სმ
წელი - 61სმ
თეძო - 86,5სმ
თმის ფერი - ღია
თვალები - ცისფერი

ეს არის ფაქტიურად მთელი ის ოფიციალური ინფორმაცია, რომელიც მის შესახებ ვიცი. ნუ კიდევ ის, რომ დაიბადა ძალიან ღარიბ ოჯახში, ყავდა 2 უმცროსი და (ერთ-ერთი ავადმყოფი) და ვინაიდან მის ოჯახს ძალიან უჭირდა, ნატალია იძულებული გახდა 11წლიდან ემუშავა. მუშაობდა, რათა ოჯახი ერჩინა.
15წლისა მოხვდა მისი ქალაქის სამოდელო სახლში, სადაც მას ბედმა გაუღიმა, უფრო სწორად მისი სილამაზე დაინახეს, და 2 წელში პარიზიდან მიიღო შემოთავაზება.
დღესდღეობით ვოდიანოვა ინგლისელი მდიდარი არისტოკრატი ლორდის მეუღლე, 3 შვილის დედა და ერთ-ერთი მაღალანაზღაურებადი სახეა ბრიტანეთში, რომელმაც იმუშავა Yves Saint Laurent, Gucci, Calvin Klein, Valentino და სხვა სამოდელო სახლებთან და უკეთებდა რეკლამას ისეთ ბრენდებს როგორიცაა: Louis Vuitton, Marc Jacobs, Pepe Jeans, Chanel, Gucci და სხვა.
მეტი ინფორმაცია მე მის შესახებ არ მაქვს, მაგრამ სამაგიეროდ მაქვს უამრავი ფოტო, რომელიც დაგარწმუნებთ, რომ ნატალია მართლაც ძალიან ლამაზია))

21 იანვარი ჩახუტების დღეა))

იცოდით რომ 21იანვარი ჩახუტების დღეა? )) ერთ-ერთ რუსულ საიტზე წავიკითხე "всенародный день обнимания". Забавно. ასევე წავიკითხე, რომ ქალაქ ხერსონში 2006 წლის 30 დეკემბერს ფსიქოლოგებმა ჩაატარეს აქცია. ქუჩაში დადიოდნენ ადამიანები, რომლებიც გამვლელებს ეხუტებოდნენ)) ფსიქოლოგების აზრით, ამ აქციას სიკეთე, ბედნიერება და კარგი ხასიათი უნდა მოეტანა ადამიანებისთვის. მგონი საქართველოში მსგავსი აქცია არასოდეს იქნებოდა პოპულარული ))
შეიძლება სისულელედ მოგეჩვენოდ, მაგრამ მართლა დიდი ხანია მინდოდა პოსტი დამეწერა ჩახუტების ძალაზე. მე პირადად, ძალიან დიდ ძალას მაძლევს ეს რიტუალი) მამშვიდებს, მანუგეშებს, ოპტიმიზმით მავსებს.
რათქმაუნდა, უცხო ადამიანს ვერ ჩაეხუტები. ეს უნდა იყოს საყვარელი ადამიანი ან ოჯახის წევრი, ვისაც გინდა გაუზიარო შენი ტკივილი თუ ბედნიერება. ემოციურ ადამიანად თავს არ ვთვლი, მაგრამ არის ცხოვრებაში მომენტები, როცა მარტო არ უნდა დარჩე, ვინმეს უნდა გაუზიარო მოზღვავებული გრძნობები, ემოციები; გადასცე ენერგია.
ხშირად ჩაეხუტეთ ხოლმე საყვარელ ადამიანებს და თავს გაცილებით უკეთ იგრძნობთ :-)

როგორ გავიცნოთ ადამიანი ტანისამოსის ფერის მიხედვით?

რას ნიშნავს ტანისამოსის ფერი?
თუ საკუთარ გარდერობში შევიხედავთ, ალბათ შევამჩნევთ, რომ ტანისამოსის 1 ან 2 ფერი ჭარბობს. რათქმაუნდა, ეს შემთხვევითი არაა. უკვე დიდი ხანია დადგენილია, რომ საყვარელი ფერით შეიძლება დავადგინოთ ადამიანის ხასიათი და მისი თვისებები.
ფსიქოლოგიის წიგნებში ბევრი წერია ამის შესახებ. ვკითხულობ და ვცდილობ საკუთარ თავზე, მეგობრებზე, ოჯახის წევრებზე შევამოწმო. ალბათ დაუჯერებელია, მაგრამ 90% ემთხვევა.
ესეიგი:

წითელი ფერი - უყვართ გაბედულ, ძალაუფლების მოყვარულ, ემოციურ ადამიანებს. თუმცა ხდება ხოლმე, როცა ადამიანს სურს გათავისუფლდეს კომპლექსებისგან, მორცხვობისგან, იცვამს წითელ ფერს.
თუ გვსურს ვიყოთ ყურადღების ცენტრში და თავს კომფორტულად ვგრძნობდეთ, წითელი ჩვენთვისაა. ამ ფერის ტანისამოსში გამოწყობილი ადამიანი შეუმჩნეველი არასდროს დარჩება.
ქალი, რომელიც ამ ფერის ტანისამოსს ანიჭებს უპირატესობას სექსუალურია. ადამიანებს კი, რომლებსაც ეს ფერი აღიზიანებთ, ეშინიათ ჩხუბის და კონფლიქტების.

თეთრი ფერი - მას იდეალურ ფერსაც კი უწოდებენ, რადგან იგი ყველა ფერის სინთეზია. თეთრი ფერი ზოგადად მშვიდობისმოყვარულ, სუფთა, უბოროტო ადამიანებთან ასოცირდება. თუმცა არ უნდა დაგვავიწყდეს სხვადასხვა ეროვნების ადამიანებს ამ ფერთან სხვადასხვა ასოციაციები აქვთ.

შავი ფერი - ადამიანები, რომელთა გარდერობში ეს ფერი დომინირებს, ხშირად დაკომპლექსებულები არიან და დიდი სურვილი აქვთ დაემალონ რეალობას. არ აქვთ საკუთარი თავის რწმენა და არ არიან გახსნილები ურთიერთობაში. მაგრამ! ქალებმა კარგად ვიცით შავი ფერის მაგიური ძალა. იგი ფიგურას მიმზიდველს და ლამაზს ხდის, ზედმეტ კილოგრამებს ფარავს, რაც ძალიან სასიამოვნოა. ამიტომაც მშვენიერი სქესის წარმომადგენლები ირჩევენ მუქი ფერის კაბებსა თუ შარვლებს.
ყოველდღიურ ტანისამოსში შავი ფერი დეპრესიულს ხდის ადამიანს და ბევრ ენერგიას ართმევს, ამიტომ ვეცადოთ ეს ფერი ჩვენს ყოველდღიურ გარდერობში არ დომინირებდეს.

ნაცრისფერი - სერიოზული ადამიანების ფერია. ამ ფერის მოყვარულებს დიდხანს მსჯელობა უყვართ და ნაჩქარევ გადაწყვეტილებებს არასდროს იღებენ. ფხიზლად უყურებენ ცხოვრებას და მათში უნდობლობა იმჩნევა ადამიანების მიმართ.
ამავდროულად ეს ფერი ქმნის ოფიციალურ გარემოს და სამუშაო ხასიათს გვიქმნის.

ყავისფერს - ხშირად იყენებენ საკუთარი გემოვნებისადმი უნდობლობით განწყობილები და საკუთარი სტილის მაძიებლები. ეს ფერი შეუმჩნეველია, თუმცა სიმშვიდის მომტანი. ყავისფერი ტანისამოსის მოყვარული ქალები მამაკაცებს სუსტ და დაუცველ არსებებად მიაჩნიათ.

ვარდისფერი - ითვლება სიცოცხლის, სიკეთის ფერად. იგი რომანტიკული ადამიანებისაა, რომელთაც ურთიერთობაში სინაზე და ზრუნვა იზიდავთ.
ასევე ამ ფერის მოყვარულთ ახასიათებთ კომუნიკაბელურობა, ემოციური ხასიათი და ურთიერთობაში ხშირად ეგოიზმს ავლენენ.

ლურჯი, ცისფერი - ზღვის, ცის ფერი. მშვიდი, გაწონასწორებული ადამიანებისაა, თუმცა ისინი ამავდროულად საოცრად ვნებიანები არიან)) ახასიათებთ ბევრი ემოცია, რომანტიზმი, ღია ურთიერთობები, კომუნიკაბელურობა, განვითარებული ინტუიცია.

იასამნისფერი - ამ ფერის მოყვარულებს მდიდარი შინაგანი სამყარო აქვთ. არ გამოირჩევიან გახსნილი ურთიერთობებით და დიდ დროს უთმობენ საკუთარი თავის გაცნობას. არიან რომანტიულები, აქვთ მისწრაფება აღმოაჩინონ სიახლე და ყველაფერში აზრს ეძებენ.

чау-чау

Вы что нибудь слышали про собак чау-чау? Y меня пару лет назад была дома такая особа и не смотря на её "замечательный" характер и на нашу всего лишь двухкомнатную квартирку я её обажала))



я хочу рассказать вам о ней чтобы вы полюбили эту пароду также как я её люблю))

Чау-чау родом из Китая, где её послужной список был очень велик: это охотник, сторож, пастух и упряжная собака. Следует сказать и одну печальную детальку сhow - амер. жарг. и означает "еда" Мясо чау продавалось в мясных лавках и всеядные китайцы употребляли его в пищу((
У этой собаки необычная внешность: роскошный воротник из мягкой шерсти, массивная голова с морщинками и унылым выражением на морде. То ли львенок то ли медвежонок. Язык фиолетогого цвета. Уши маленькие, направленные вперед. Характерный взгляд.
Окрас сплошной: черный, коричневый, кремовый, голубой, красно-рыжий. Высота 48 - 51 см, вес 21 - 32 кг.
Чау-чау — великолепный спутник того, кто любит спокойствие. Он величественный и серьезный, абсолютно самостоятельный и независимый, с крепкими нервами. А еще очень преданный.






В настоящее время они очень популярны в Великобритании и США.

მაგიური სანთელი

წუხელ ვერაფრით დავიძინე... შუქიც ჩაქრა, ალბათ უამინდობამ რაღაც დააზიანა, როგორც ყოველთვის. სანთელი ავანთე და ვიჯექი ჩემთვის მარტო, შუაღამეზე. ფიქრმა ამიყოლია, თან საწყალ სანთელს ვუჩხიკინებდი ასანთის ღერით))
ბავშვობიდან მიყვარს სანთელი რაღაც უაზროდ. პატარაობაში შუქის წასვლა მხოლოდ მაგიტომ მიხაროდა, სანთელთან თამაშის შესაძლებლობა მიჩნდებოდა:-)
მგონი ძალიან ლამაზია სანთელი, აი, რაღაცით მიზიდავს, თითქოს მაგიური ძალა აქვს: ფიქრებში გიყოლიებს, გამშვიდებს, დროის შეგრძნებას გაკარგვინებს...



რაც ცოტა გავიზარდე და ეკლესიაში დავიწყე სიარული, სანთელს კიდევ სულ სხვა დატვირთვა მიეცა ჩემთვის. რაღაც ძალიან წმინდასთან, სულიერ სიმშვიდესთან გაასოცირდა.
დავიჯერო მარტო მე მჭირს ასე? ეკლესიაში სანთელს რომ ანთებთ, გულში სითბო არ გეღვრებათ? უფრო მშვიდად არ გრძნობთ თავს?
სადღაც წავიკითხე, სანთელს ადამიანს ადარებდნენ, ეწერა, ადამიანი სანთლის მსგავსად ღვთის წინაშე სიკეთეს, სიხარულს და სიყვარულს უნდა ანათებდესო...
როგორც ვიცი, სანთელი შუა საუკუნეებში გაჩნდა. თავდაპირველად, ძალიან ძვირი ღირდა და არც რელიგიური თვალსაზრისით გამოიყენებოდა, მაგრამ ახლა, ერთ-ერთი გაზეთის მონაცემებს თუ დავუჯერებთ, საქართველოში წელიწადში 500 ტონამდე სანთელი იყიდება.
და კიდევ ერთი ინფორმაცია, რომელიც სანთელთან დაკავშირებით წავიკითხე: თურმე, კათოლიკურ ეკლესიებში (ვიმედოვნებ ყველაში არა) მეოცე საუკუნის ბოლოს სანთელი ნათურათი შეცვალეს. ჩააგდებ ფულს - ნათურა აინთება, რამდენიმე ხანში კი ავტომატურად ჩაქრება.

საოცარი რეკორდები

სახლში ერთი დიდი წიგნი მაქვს, რომელიც დედაჩემმა მოსკოვში შეიძინა. ძალიან საინტერესოა, მინდა გითხრათ. წიგნს ქვია "книга рекордов гинесса" და ისეთ რამეებს წავაწყდი волосы дыбом встали)))
შევეცდები მოკლედ მოგიყვეთ ხოლმე და თუ შესაბამის ფოტოებს ვიპოვი ინტერნეტში, თან დავურთავ.
ყველაზე გასაოცარი ის რეკორდები იყო ჩემთვის, რომლებშიც ადამიანებს საკუთარი სახე აქვთ დაკარგული.

ამაზრზენი იყო ქალბატონი Nelvin Feizel Boothe მიჩიგანის შტატიდან რომელსაც 25წელია ფრჩხილები არ მოუჭრია და მისი ათივე ფრჩხილის სიგრძე 931სმ ია...



ყველაზე გრძელი თმა ყურებში:-) აქვს ინდოელ ანტონი ვიქტორს – 18,1 სმ.


ყველაზე მაღალი მამაკაცი თურქია Sultan Kosen და მისი სიმაღლე 246.5სმ.ია, ხოლო ყველაზე პატარა Pingping (73სმ) ჩინელია.


საინტერესო იყო მათი შეხვედრა, რომელიც თურქეთში მოხდა. ერთმანეთის გვერდიგვერდ ისინი ძალიან სასაცილოები არიან))





უნიკალური ინდოელი ბავშვი, რომელსაც ხელ-ფეხზე 25 თითი აქვს

გამაგიჟა მამაკაცმა რომელსაც Garry Turner ქვია... თქვენ თვითონ ნახეთ



ამ საწყალ კაცს რაღაც კანის დაავადება ჭირს, რომელიც ნელ-ნელა ვითარდება და საბოლოო ჯამში კლავს ადამიანს:-(

საინტერესო იყო ასევე ჩეხი ტოპმოდელი ადრიანა სკლენარიკოვა, რომელსაც ყველაზე გრძელი ფეხები აქვს დედამიწაზე - 127 სმ.
და პირსინგით გატაცებული ბრაზილიელი ელაინ დევინსონი, რომლის სხეულზეც 1903 ნახვრეტია))

волшебный напиток

Из всех напитков больше всего люблю Кофе - это действительно напиток богов! Кофе бодрит тело и дух, спасает от болезней и плохого настроения. Кофе - это прекрасная тема для разговора при первом знакомстве и верный спутник в любой жизненной ситуации.
Пить или не пить кофе? Что касается россиян, то они этот вопрос уже давно решили. Конечно же, в пользу кофе. Согласно исследованию "РосБизнесКонсалтинг", среднестатистический россиянин в 2006 году выпил 278 чашек кофе. Причем, все большую любовь россиян заслуживает натуральный кофе - молотый или в зернах. А ведь совсем недавно подавляющее количество любителей кофе предпочитали растворимый напиток! Это говорит о том, что культура употребления кофе развивается.
первые упоминания о кофе датированы примерно 850-м годом до нашей эры.
Кофе - Это удовольствие. Это минутка остановившегося времени среди сумасшедшего ритма жизни. Он поможет обострить ум или расслабиться, поддержит силы или даст легкость, заставит действовать или внимательно наблюдать.
Вот что говорил про кофе великий Бальзак: "Стоит отведать кофе, как все словно вспыхивает, а мысли теснятся как батальоны на поле сражения".