2 ძალიან ლამაზი საქორწილო კაბა....

ტანისამოსი "в горошек"

რუსები ამბობენ одежда в горошек, ქართულად კი კოპლებიან სამოსზეა ლაპარაკი, რომელიც საკმაოდ პოპულარულია და ხშირად გვხვდება 2010 წლის ყველაზე აქტუალურ ტენდენციებში. კლასიკური კაბები, ჩანთები, ფეხსაცმელები, აქსესუარები.....
კოპლებიანი ტანისამოსი თავდაპირველად გაჩნდა ფრანგი დიზაინერების კოლექციებში XVIII საუკუნის ბოლოს. ამ სტილმა ბევრი ადამიანის გული მოინადირა და იგი კლასიკურად იქცა.
კოპლებიანი სამოსი უხდება აბსოლუტურად ყველას, მთავარია იგი შეირჩეს სწორად და ფიგურის შესაბამისად.
მაგალითად: სუსტი გოგონების სამოსს მსხვილი და დიდი კოპლები დაამშვენებს, შედარებით პუტკუნა ქალებმა კი არჩევანი უნდა შეაჩერონ უფრო პატარა ზომის კოპლებზე.

ასათიანის თეთრი კაბა

ერთი კვირაა რუსთავი 2-ზე ტრიალებს პროფილის რეკლამა მაკა ასათიანის მონაწილეობით და თუ ვინმეს გინახავთ ეს რეკლამა, აუცილებლად უნდა შეგემჩნიათ მაკას არაჩვეულებრივი თეთრი კაბა :) ძალიან მომეწონა.
ვუყურე გადაცემას, გავარკვიე რომ კაბა Jil Sanders-ს ეკუთვნის და აქტიურად დავიწყე მისი ძებნა.
საერთოდ ამ ბოლო დროს ძალიან მომწონს ეგრეთ წოდებული მაქსი კაბები, გრძელი და გაშვებული, მგონი მოდაშიცაა არ ვიცი, ზუსტად ვერ გეტყვით)
ხოდა ერთი სიტყვით, მივაგენი ლამაზ კაბებს, რომელიმე ერთ-ერთი აქედან ძალიან მინდა მქონდეს, მაგრამ იმედი არ მაქვს რომ ჩვენთან სადმე ვიპოვი, შეკერვა კი სარისკო საქმეა..... რამდენად გამოვა ისეთი, როგორიც არის ეს ფოტოებზე?...


მარცხენაა ის კაბა, რომელიც ასათიანს ეცვა მაგრამ მგონი თეთრი უკეთესი იყო ბევრად.







რომელი უფრო ლამაზია?

თეთრი ოცნება

როცა შენ მოხვალ, მე უკვე მზად ვიქნები. მეცმება თეთრი კაბა, მერე შენ მომიტან თეთრ ქრიზანთემებს, თმაშიც პატარა, თეთრ ყვავილს გამიკეთებ, ცოტას კიდეც გამიწყრები რა ამბავია ამდენი სარკეში პრანჭვაო, მერე გამიღიმებ, ყელზე მაკოცებ, ჩავჭიდებთ ხელს და შევუყვებით აღმართს.



მწვერვალზე თოვლია. თეთრი, თეთრი, ქათქათა. მერე მე თოვლს შევერევი და შენ შეშფოთებული მეძებ. მერე თეთრი მტრედი მოფრინდება და ყურში ჩაგიჩურჩულებს რაღაცას. შენს თვალებში უამრავი ეშმაკუნა სახლდება. შებრუნდები და მიდიხარ. მე შიშით გული მისკდება. მაშინვე ვყვირი, შენც შემობრუნდები და მაშინვე მპოულობ. ასეთმა ხუმრობამ კარგა გვარიანად შემაშფოთა. მერამდენედ გეკითხები უკვე, მართლა მიდიოდი? მართლა მტოვებდი? ცოტაც და ტირილს დავიწყებ. შენ ცრემლიან თვალებს მიკოცნი და მამშვიდებ.

ყველაფერი ჩვენია: ეს მწვერვალიც, ქათქათა თოვლიც, თეთრი, მოღუღუნე მტრედიც, ცისფერი ცა და სუფთა, გამჭვირვალე ჰაერიც. მერე მე ამას ყველაფერს შენ გჩუქნი. შენ მე. მე თეთრი, თეთრი კაბა მაცვია. ხელშიც შენი მორთმეული თეთრი ქრიზანთემები მიჭირავს. ირგვლივ თოვს და თოვს. მე და შენ თეთრი ფიფქები გვაცვივა. ყველაზე კარგი, დიდი ფანტელები შენ გეცემა. ირგვლივ სითეთრეა. მე თეთრი კაბა მაცვია. ჩემი თმებიდან შენი ლამაზად და კოხტად გაკეთებული ყვავილი იჭყიტება. ხელშიც შენი მიერ მორთმეული თეთრი ქრიზანთემები მიჭირავს. თოვს, თოვს და თოვს.

სულ ბოლომდე ავედით, იქედან მხოლოდ თეთრი ქვეყანა და ციდან მოფარფატე თეთრი ფიფქები მოჩანს. მერე მე შენ მორთმეულ თეთრ ქრიზანთემებს მთელ ქვეყანას ვჩუქნი. ერთ ცალს შენც გჩუქნი. უსაზღვროდ გიხარია. შენს თვალებში იმდენი პატარა ეშმაკუნებია ჩასახლებული, მეშინია ისევ არ წამოგიაროს როგორც წეღან. მაშფოთებს ისეთი ხუმრობა, რომელიც შეიძლება მართლა მოხდეს. მეშინია ამ სითეთრეში ჩემი თეთრი კაბით ან მე არ გაგებნე, ან შენ არ დაგკარგო და ამიტომ ხელს არ გიშვებ. კარგია ასე ერთად რომ შევყურებთ მთელ ქვეყანას. მიხარია. შენც გიხარია და მერე ორივეს ერთად ბედნიერი ღიმილით გვიხუტებს თეთრი მწვერვალი გულში.

ღამდება, მაგრამ მაინც სითეთრე ჭარბობს. უცებ დიდი, დიდი, წითელი მზე ამოვიდა და იმანაც ჩაგვეხუტა. მერე ყველა ერთად გვეფერებოდა: თეთრი მწვერვალი, დიდი, წითელი მზე და თეთრი ღამე. მერე შენც გაბედე და ისე სათუთად მომეფერე, კინაღამ ავღრიალდი. თმიდან შენი ნაჩუქარი თეთრი ყვავილი ჩამომივარდა.

მერე ორივემ ერთად დავინახეთ როგორ ამოჰქონდა თეთრ მტრედს ღუღუნ-ღუღუნით ჩემი თეთრი ყვავილი. ამოჰქონდა და იმასაც პატარა ეშმაკუნები უციმციმებდა თვალებში. ალბათ ესეც რაღაც სიურპრიზს მიმზადებდა, ოღონდ ახლა ჩემთან ერთად შენც. ორივე რაღაცის მოლოდინში გავინაბეთ. თეთრი მტრედი არ ჩქარობდა. კვლავ ღუღუნით მოარღვევდა თეთრ, ქათქათა თოვლს. თან ჩემთვის თეთრი ყვავილი ამოჰქონდა.

მე თეთრი კაბა მეცვა, თმაში შენი გაკეთებული თეთრი ყვავილი მებნია, ხელშიც შენი ნაჩუქარი თეთრი ქრიზანთემები მეჭირა.


თოვდა, თოვდა და თოვდა.

ნონა

როგორ შევხვდეთ სიყვარულის დღეს

ახლოვდება ვალენტინობა, ე. წ. სიყვარულის დღე და ბევრი ელოდება მიპატიჟებას რომანტიულ შეხვედრაზე. ბევრისთვის გახდება ეს დღე გამორჩეული პირველი პაემნით) შეყვარებულთათვის კი 14თებერვალი კარგი მიზეზია გაატარონ ეს დღე ერთად და გაიხალისონ ცხოვრება სასიამოვნო წუთებით))
ყველას გვინდა ამ დღეს განსაკუთრებულად გამოვიყურებოდეთ: ახალგაზრდულად, უპრობლემოდ, მსუბუქად ,ჰაეროვნად, რომანტიულად და სასურველად))
გადავხედე რას გვთავაზობენ ამ მშვენიერი დღისთვის ცნობილი დიზაინერები, დავათვალიეროთ და იქნებ ჩვენთვისაც ვიპოვოთ რაიმე საინტერესო))
итак:

კაბები
1. Roberto Cavalli

2. Adam

3. Stella McCartney

4. Acne

5. RM by Roland Mouret

6. Carven



ფეხსაცმელები
1. Fendi

2. Miu Miu

3. Roberto Cavalli


აქსესუარები
1. Marni

2. Lanvin

3. Halston Heritage

4. Marc Jacobs


იმედია მოგეწონათ))
მე პირადად ძალიან მომწონს Acne-ს კაბა და Fendi-ს ფეხსაცმელები)) ძალიან ლამაზებია.

მოდა და რეალობა

არავინ თქვას მოდა არ მაინტერესებსო!
აბა რომელი თავმოყვარე ქალი ჩიცვამს იმას, რასაც დიდი ხანია აღარავინ იცვამს ან ვის არ სურს თავი მოაწონოს სხვას, იქნება ეს საკუთარი თუ საწინააღმდეგო სქესის წარმომადგენელი.
მეორე საკითხია, რომ ხშირად ის, რაც მოგვწონს და რაც გვინდა, რომ ჩვენს გარდერობში ინახებოდეს, საქართველომდე ჯერ არ მოსულა, ან ძალიან ძვირია....
ყველას გვსურს ჩაგვთვალონ დახვეწილ, გემოვნებიან ადამიანად, რომელმაც იცის რა უხდება, რა გამოკვეთოს, რას გაუსვას ხაზი, ან პირიქით - რა ნაკლი აქვს და როგორ დაფაროს იგი. აქ გადამწყვეტი მნიშვნელობა არ აქვს იმ ტანისამოსის ბრენდს ან ფასს, რომელსაც ვიცვამთ. უფრო სტილია გადამწყვეტი. ცოდნაც არა, ალბათ უფრო უნარი და შეგრძნება, რა რასთან შეახამო, რა როგორ მოიხდინო.
ერთ-ერთ საიტზე ფოტოები ვიპოვე, რომლებმაც გადამაწყვეტინეს ამ პოსტის დაწერა. ფოტოები სრულიად შემთხვევითი ადამიანებისა, სხვადასხვა ასაკის, სტილის, აღნაგობის, გადაღებული ქუჩაში, სხვადასხვა ქალაქებში.
ამ ფოტოებით იმის თქმა მსურს, რომ ყველას შეუძლია იყოს "სტილნი" ფულის და მაღაზიების ნაკლებობის პირობებშიც კი, მთავარია მონდომება))
იმედია მოგეწონებათ

ლამაზი ქორწილი

ყველა ქალს უფიქრია ქორწილზე, ბუნებრივია. ქალები ხშირად ვოცნებობთ, წარმოვიდგენთ და გვინდა ეს ჩვენი ნაოცნებარი ოდესმე ახდეს...
ქორწილი ყველას სხვადასხვაგვარი წარმოუდგენია, ზოგს ტრადიციულად, ღიპიანი თამადით, 300 "ახლობელი" ნათესავით; ზოგს პირიქით: მოსწონს არაფორმალური სიტუაცია, ბევრი სასმელი, მეგობრები...
ამ საკითხში ერთიან აზრამდე, ალბათ, ვერასდროს მივალთ, როგორც ამბობენ მაინც ალბათ каждому своё...))
როგორიც არ უნდა იყოს ქორწილი, დამეთანხმებით, რომ სადედოფლო კაბა უნდა იყოს ძალიან ლამაზი და გამორჩეული.
მე პირადად დიდი ხანია ვათვალიერებ სადედოფლო კაბებს და ისეთი, როგორიც მე მინდა, მაინც ვერსად ვიპოვე. ზუსტად ვიცი როგორი უნდა იყოს: მკერდზე გამოყვანილი, ძალიან მომწონს კაბები с ленточкой, რომელიც ტალიაზეა ხოლმე შემოკრული და ძალიან ლამაზს აჩენს ფიგურას.
არ მომწონს გაფუშფუშებული კაბები... ასე მგონია მაგათი დრო წავიდა უკვე.



ეს კაბა ყველაზე მეტად შეეფერება იმას რაც მინდა მე))




















თუ ოდესმე მექნება ქორწილი, ძალიან მინდა ჩემს ქორწილში იყოს ბევრი ყვავილი!


























ბევრ ლამაზ ყვავილს არაფერი შეედრება.
და ბოლოს, საქორწილო ტორტი :* ) იმდენი სურათი დამიგროვდა აღარ ვიცი რომელი უფრო მომწონს ან რომელი უფროა საქორწილო))


აი ეს ძალიან ლამაზია, თან ყველას ეყოფა დასაგემოვნებლად:)