ეფექტური დიეტა და გემრიელი ფოტო))

გუშინდელი კულინარიული პოსტის შემდეგ ლოგიკურია დავწერო დიეტაზე))
საერთოდ რაც თავი მახსოვს სულ დასუსტება მინდა... გენები მაქვს ასეთი. ვარ ძვალმსხვილი და სულ მაქვს 5–6 კილო ზედმეტი წონა.
ერთ დიეტაზე მინდა დავწერო, რომელიც მართალია ცოტა ნელა მოქმედებს, მაგრამ ეფექტურია და თან დაკლებული კილოგრამები უკან არ გიბრუნდება, როგორც ეს უმრავლეს შემთხვევებში ხდება ხოლმე.
დიეტა მარტივია: ჭამ დღეგამოშვებით ანუ ერთი დღე ჭამ რასაც გინდა, როცა გინდა, რამდენსაც გინდა (თუმცა მერწმუნეთ ბევრს ვერ შეჭამთ); მეორე დღეს არ ჭამთ. საერთოდ. მხოლოდ 6 სთ.მდე სვამთ ხსნარს, რომელიც მზადდება ასე:
1ლიტრ გადადუღებულ წყალს ვუმატებთ 1ს/კ თაფლს, ხსნად ყავას, არაყს და ლიმონის წვენს.
ეგ არის და ეგ.
პლიუსი ამ დიეტის ვფიქრობ არის ის, რომ არაფერი გენატრება. ანუ იცი რომ გათენდება ხვალინდელი დღე და შეჭამ იმ შოკოლადსაც, ნაყინსაც..... ეს ფსიქოლოგიური მომენტია და ძალიან კარგად მოქმედებს.
მე 2 კვირაში 5 კილო დავიკელი და მინდა ვთქვა არც გამჭირვებია. მიუხედავად იმისა, რომ უნებისყოფო ვარ და დიეტაზე 1 კვირასაც ვერ ვძლებ :))

და განწყობისთვის:

ოლივიე და ცეზარი

ჩემს ბლოგზე რომ კულინარია გამოჩნდება ვიცი ეს ფაქტი ზოგ ზოგიერთებს სასაცილოდაც არ ეყოფად, რადგან რეალურად გაზქურასთან არც არავის ვუნახივარ)) მაგრამ თქვენ არ იცით, მე ჩუმ-ჩუმად ვიპარები ხოლმე სამზარეულოში და დიასახლისობას ვსწავლობ :დ ან კი რა არის იმაში ცუდი ჩემი საყვარელი საჭმელების რეცეპტებს თუ დაგიწერთ იქნებ გამოგადგეთ ჰა?
უაზროდ მიყვარს სალათები. შემიძლია სხვა ყველა საჭმელზე უარი ვთქვა და მხოლოდ ამეებით ვიკვებო. ამიტომ პირველ ჯერზე ორ ყველაზე გემრიელ სალათზე დავწერ:

1. Оливье
ოლივიე პირველად მოსკოვში, ჩემი მეგობრის დაბადების დღეზე გავაკეთე. ეს ის დღე იყო როცა მის ბინაში პროდუქტებთან და რეცეპტებთან ერთად გამომკეტეს და დაბადების დღის პურმარილი მთლიანად მე უნდა გამეკეთებინა, რადგან სხვებს და თვით იუბილარსაც სხვა ფრიად მნიშვნელოვანი საქმეები ქონდათ.

ერთი სიტყვით ოლივიეს მომზადება ძალიან მარტივია.
ამისთვის დაგვჭირდება:

2ცალი მოხარშული კარტოფილი
მჟავე კიტრი
150გრ ძეხვი
30გრ მწვანე ხახვი
2ცალი კარგად მოხარშული კვერცხი
100გრ გაროხი

ყველა ეს პროდუქტი წვრილად უნდა დავჭრათ და მოვათავსოთ ერთ ჯამში


დავუმატოთ მარილი გემოვნებით და მაიონეზი

უმარტივესია და უგემრიელესი ))



2. Цезарь

ცეზარს რაც შეეხება მასთან დიდი ხნის სიყვარული მაკავშირებს და ვისაც ეს სალათი გაგისინჯავთ ალბათ დამეთანხმებით რომ სულ სხვანაირი და გემრიელი გემო აქვს))

გვჭირდება:
1თავი კომბოსტო
1ცალი პომიდორი
ძეხვი
ყველი
ზეთისხილი
მაიონეზი

ვჭრით პომიდორს, დაახლოებით ისე როგორც ეს სურათზეა



მერე ვჭრით კომბოსტოს, ძეხვს, ვათავსებთ პომიდორთან ერთად. ვახეხავთ ყველს, ვუმატებთ ზეთისხილს და სუხარებს.




ამ ყველაფერს ვურევთ მაიონეზს და ნუ კიდე მარილი მწვანე ხახვი გემოვნებით.


приятного аппетита друзья:)

მე მიყვარს ქუთაისი

დღეს 2 მაისია და საუკუნოვანი ტრადიციით ქუთაისი "ქუთაისობას" აღნიშნავს :)
მე მიყვარს ქუთაისი - ბევრი ადამიანის მაისურს ამშვენებდა დღეს ეს წარწერა, სარეკლამო ბილბორდებზეც ამას ამოიკითხავდით


დიახ, მეც ძალიან ძალიან მიყვარს ქუთაისი!
მთელი ის დრო რაც მოსკოვში ვცხოვრობდი ხშირად მესიზმრებოდა როგორ დავდიოდი ჩემი პატარა ქალაქის ვიწრო ქუჩებში..... მართლაც რომ აქ ყველაფერი ნაცნობია, ყველა ადამიანი, ყველა კუნჭული...
ბოლო რამდენიმე ხნის მანძილზე აქ ბევრი რამე შეიცვალა. შეიცვალა სასიკეთოდ: ბევრი ახალი შენობა აშენდა, ბევრიც მშენებლობის პროცესშია. მართალია სრულყოფილებამდე ბევრი გვიკლია, მაგრამ პატარა ცვლილებაც კი გულს ისე უხარია და ლამაზად ხვდება თვალს.
ქუთაისი პროვინცია არაა და ვინც ერთხელ მაინც ყოფილხართ აქ დამეთანხმებით, რომ ძალიან ლამაზია იგი.
ძალიან მინდა უფრო ბევრად მოვლილი, კიდევ უფრო ლამაზი იყოს ჩემი ქალაქი და კიდე ძალიან მინდა, რომ აქედან ხალხი არ გარბოდეს.
რამდენიმე ფოტო თქვენთვის ქუთაისიდან )) მობილურით გადაღებულია, ამიტომ ხარისხთან დაკავშირებით პრეტენზიები არ მიიღება))





ახლადგახსნილი ბულვარი მესხიშვილის სახელობის თეატრის ეზოში




ჩემი მშობლიური პირველი სკოლა


ეს ყვავილები ძალიან მომწონს




გიო და ჩოხოსნები ))

ექვთიმე თაყაიშვილის ძეგლი გახსნამდე

ლიტერატურული კაფე

ტანისამოსი "в горошек"

რუსები ამბობენ одежда в горошек, ქართულად კი კოპლებიან სამოსზეა ლაპარაკი, რომელიც საკმაოდ პოპულარულია და ხშირად გვხვდება 2010 წლის ყველაზე აქტუალურ ტენდენციებში. კლასიკური კაბები, ჩანთები, ფეხსაცმელები, აქსესუარები.....
კოპლებიანი ტანისამოსი თავდაპირველად გაჩნდა ფრანგი დიზაინერების კოლექციებში XVIII საუკუნის ბოლოს. ამ სტილმა ბევრი ადამიანის გული მოინადირა და იგი კლასიკურად იქცა.
კოპლებიანი სამოსი უხდება აბსოლუტურად ყველას, მთავარია იგი შეირჩეს სწორად და ფიგურის შესაბამისად.
მაგალითად: სუსტი გოგონების სამოსს მსხვილი და დიდი კოპლები დაამშვენებს, შედარებით პუტკუნა ქალებმა კი არჩევანი უნდა შეაჩერონ უფრო პატარა ზომის კოპლებზე.

თმის აქსესუარები

ისე უხდება გაზაფხულს რომანტიული და ქალური სტილი: ფრიალა, ყვავილებიანი სარაფნები; ლამაზი, ჭრელი მაისურები......


ამ ყველაფერს კი ძალიან უხდება აქსესუარები. რაღა თქმა უნდა, საყურეები, ბეჭდები, ლამაზი ბრასლეტები..... მაგრამ ახლა მინდა დავწერო უშუალოდ თმის აქსესუარებზე: აბადოკები, თმისამაგრები, ლენტები - ბანტიანი, ფერადი, ყვავილებიანი.......



მეც მაქვს რამდენიმე ასეთი აქსესუარი. მიუხედავად იმისა, რომ ამ ბოლო დროს მოთხოვნა მათზე ძალიან გაიზარდა და ყოველი მეორე გოგოს თმას ამშვენებენ, მაინც ძალიან მესიმპატიურებიან ))
ვფიქრობ, ყოველდღიური ჩაცმულობისგანაც კი რაღაც ორიგინალური და არაორდინალური გამოდის როცა ქალს ლამაზი, გემოვნებიანი აქსესუარები უკეთია.